රණ මොනරුන්ගේ අලුත් අවුරුදු නැකත් සීට්ටුව.

 ලිපියට අදාල වීඩියෝව.

තනෙන තන තන තනෙන තන තන තනෙන තන තනෙ නා

තිනෙන තින තින තිනෙන තින තින තිනෙන තින තිනෙ නා

සතර සිව් වර බලැති දිඩතර සුරිදුනේ         කදිරා

කතරගම පුර සුරිදු වාහන කරති රණ     මොණරා

තනෙන තන තන තනෙන තන තන තනෙන තන තනෙ නා

තිනෙන තින තින තිනෙන තින තින තිනෙන තින තිනෙ නා

පතර තෙද ගම්බිර සතට සෙත වේල අවිය           දරා

නොහැර ඉසිවර යෙදුව මේ අයුර වර්ණකර      මයුරා

තනෙන තන තන තනෙන තන තන තනෙන තන තනෙ නා

තිනෙන තින තින තිනෙන තින තින තිනෙන තින තිනෙ නා.

           මොනරා ගේ චර්යාව දකින්නට පමණක් නොව අසන්නටද කවුරුත් කැමැත්තක් දක්වයි. ලෝක සත්වයා සහ සූර්යා අතර පවතින නොබිඳිය හැකි සම්බන්ධය කිසිදා යාන්ත්‍රිකව සූත්‍ර ගතකර අවබෝධ කරගත නොහැක. අතීත මිනිසා තමා සහ සූර්යා අතර ඇති සම්බන්ධය දකින්නට මොනරා වාහනයක් කරගත්තා සේය. මොනර නැටුම යටින් දිවෙන ලිංගික ආරාධනාවද සූර්යාට අනුලෝමව සමානුපාත වේ. එයද දැනෙන දෙයකි. සෙවිය යුතු දෙයක් නොවන්නේය. සූර්යාගේ රැස් වලල්ල සහ මොනර පිල් අතර සම්බන්ධයද එසේමය. මොනරාගේ අභිනයන් දෙස බලා සිටි සූර්යා දෙවියෙකු සේ ඇදහූ මිනිසා උගේ අභිනයන් බලාසිට විදිමත්ව නටන්නට මයුරාවද සම්බන්ධ කර ගත්තේය. මයුරා වන්නම නිර්මානය වීම පිටුපස ඇති ඉතිහාසය දාර්ශනික කලාත්මක සිතීමකට මග පාදයි. සූර්යා දෙවියෙකු සේ අදහන්නට පටන් ගත් මිනිසාට සූර්යාට කිට්ටු වීමට ඇති නොහැකියාව නිසාම සූර්යා අරමුණු කොට විස්තර කර ගත් ස්වභාවයේ සම්මුති සියල්ල යම් ශුවිශේෂී මිනිසෙකුට පටවා දෙවියෙක් බවට පත්කළා සේ පෙනේ. ඒ දෙවියාට මුහුණු සයකි. අත් දොළසකි. ඇස් දොළසකි. කන් දොලසකි. මොනරුන්ගෙන්ද අඩුවක් නැති කතරගම වාසස්ථානය වූ නිසාම මයුර වාහනය ඒ දෙවියාට උරුම වී ඇත්තේ අහම්බයකින් විය නොහැක.

          ජ්‍යොතිශ්ශාස්ත්‍රයේ පදනම මේ දෙවියා මත පටවා ඇති බැවින් මුහුණු සයෙන් සෘතු හයද ශ්‍රමයේම බලයක් වූ අත් දොළසින් ග්‍රහ රාශි දොළසද නිරූපන කරමින් කදිර දෙවියන් සූර්ය දෙවියන්ගේ අවතාරය බවටම පත්කර ගත් බව පෙනේ. එක් පැත්තකින් ප්‍රාතමික මිනිසාට ඇදහිල්ලක් වූවත් තවත් පසකින් මෙය කාලය සහ ස්වභාවයේ ඒකත්වයේ සහ ප්‍රතිවිරෝධයේම ප්‍රකාශනයකි.වම්මුන් නොදැන ගොස් අතරමග නතරවූ යකතරගම යන මතු ලිපියකින් මේ පිළිඹඳව සලකා බැලීමට නියමිතය. මිනිසා තමන්ගේ දේ ග්‍රහයින් මත තබා සිතන්නට පටන් ගත්තා විනා ග්‍රහයින් මිනිසා මත තබා ග්‍රහයින්ව විස්තර කරගත්තේ නැත. ස්වභාවයේ ඇති බලවේග විභේදනය කරමින් කතරගම දෙවියන්ව ජ්‍යෝතිශ්ශාස්ත්‍රීය දැනුම පද්ධතියට තවත් සමීප කළ කරුණක් වන්නේ රණ මොනරාව කදිර දෙවියන්ට බද්ධ කර ගැනීමය. සූර්යා සහ ලෝක සත්වයාගේ ඇති සම්බන්ධයට කදිම නිදසුනක් වූ මයුරා කදිර වාහනය බවට නියම වීම කිසි සේත්ම අහම්බයක් විය නොහැක. කතරගම පුර සුරිඳු වාහන කරති රණ මොනරා කියමින් මොනරාට වෙස් බැඳගත් නැට්ටුවෝ මොනරුන්ගේ හැඩය අභිනයෙන් රඟ දක්වන්නේද භක්තිය පමණක්ම මුල් කර නොවන වග වටහා ගැනීමට ඇස් කන් ඇති මිනිසාට නොහැකියාවක් නැත. අහසත් පොළවත් වෙන් කළ නොහැකි බව කියන්නේ අහසේ පොළව පවතින නිසාම නොවන වග දැන් ඔබට අවබෝධ විය යුතුය. දාර්ශනික හැඩයකින් මිනිසාගේ අත්දැකීමෙන් නිර්මාණය වූ දැනුම පද්ධතියක් අද නතර වී තිබෙන්නේ දෙවියන්ට මුලා කර අහිංසකයන්ව ගසා කන්නටත් ඒ දැනුම් සාරය අවිද්‍යාත්මක ලෙස හුවා දක්වමින් බලයක් නිර්මානය කර ගැනීමටත් මාන බලන තක්කඩි පරපුරවල් කුලක කීපයක තර්ක විතර්ක පදනම් කරගත් මාධ්‍ය සංදර්ශන තුළය. මින් මේ වර්ගයේ සියල්ලන්ගේම ලෞකික බලය සහ ආර්ථික දියුනුව හැර පොදුවේ මිනිසාට සිදුවෙන කිසිදු සෙතක් ශාන්තියක් තිබිය නොහැක. මේ නිමේශය දේවල් නැවත කියවිය යුතු බව යථාර්තයක් වන්නේ එබැවිනි. අතපසු වූ  අලුත් කියවීමක් යනු සියල්ල ගොඩනැංවීම් කුලකයට දමා අත පිස දමා ගැනීම නොවන වග පාරිභෝගිකයෝ නොදන්නා නමුත් මාධ්‍ය ව්‍යාපාරිකයෝනම් කුමන හෝ ඉවකින් යහමින් වටහාගෙන තිබේ.

            සිංහල අලුත් අවුරුදු නැකැත් පෙළ තුළ ඇති සැබෑ අර්ධය ලියන කාරිය පසුවට කල් තබා මයුරා වන්නම පසුබිම් කරගනිමින් අවුරුදු නැකැත් සීට්ටුව ඔබ අතට වීඩියෝවකින් දෙන්නට සිතුවේ කිසිවෙකුට නැකැත් අල්ලා වැඩ පල අරඹා සාර්තකත්වය දක්වා ගමන්කරන්නට ආධාර වීමට නොවන වගද සඳහන් කළ යුතුය. නැකැත් සීට්ටුවක් එවැනි පටු අරමුණු කරා නිර්මාණය වූවක් ලෙස සිතිය නොහැක. (අදාල වීඩියෝව මෙහි අමුණා තිබේ.) මන්ද, ලෝක සත්වයා සහ සූර්යාගේ ඒකත්වය සහ ප්‍රතිවිරෝධය මත ගොඩ නැගී ඇති බලය වෙළෙන්ඳන්ට අශීර්වාදයක් වූයේ කෙසේද යන්න පිළිඹඳවද බොහෝ දේ විස්තර කළ හැකි නිසාය. සැබෑ ජ්‍යෝතිශ්ශාස්ත්‍රීය සිතීම් විශ්මිත අනාවැකි පමණක් ලාබය අරමුණු කර වෙන්දේසියේ දමන කිසිවෙකු අත බෙහෙතකටවත් නැති බව දැනගත යුත්තන් දැනගැනීම කාලෝචිත බව පෙනේ. නැකැත් සීට්ටුවක ඇති සැබෑ ජීවිත මිහිර දන්නේ තක්කඩියන් වූ මොනර කොල බලාපොරොත්තුවෙන් දිවි ගෙවන්නන් හෝ මුදලට ලොල්වී තක්කඩි කමට මයුරා වන්නම නටන්නන් නොව මොනරියන් අරමුණුකොට සූර්යාගේ අනට නටන කරන අහිංසක මොනරුන් පමණි. මන්ද මොනරුන් සිටින්නේ මොනර කොළ හිමි මිනිසුන්ගේ හිස මත නොව අහිංසක මිනිස් වර්ගයාගේ හදවත් තුළය. වෙනස් වන්නේ දේවල් දෙස බලන ස්වරූපය විනා පැවැත්ම විය නොහැකි බව පෙනේ. අහසත් පොළවත් වෙන් කළ නොහැකි බවද අපි දනිමු. එමෙන්ම අහස පොළවට කඩා වැටෙන්නේ පැරණි හාවාගේ උපමා කතාන්දරයට අනුවය. පොළව අහසට කඩා වැටෙන්නේ ස්වභාවයා දැනට සූත්‍ර ගත කර ඇති ආකාරය පරම සත්‍යය සේ සිතන කුළකයේ මිනිසුන්ටය. එහෙත් කඩා වැටෙන්නේ අන් කිසිවක් නොව කඩා වැටීම යන සංකල්පයමය. 

        ජ්‍යොතිෂය සිතීම් වඩාත්ම අවැසි වන්නේ මිනිසාගේ ආශාවන් විස්තර කර විනෝදයක් ලබා දීමට නොව ලෝකය සහ ජීවිතය අවබෝධ ගැනීමට සහ ඉන් ඔබ්බට සිතීමටය. සූර්යාගේ සුන්දරත්වය සහ විශ්මිත බව දැකීමට සූර්යා දෙස එක එල්ලේ පියවි ඇසින් බැලිය නොහැකි නිසාම අපි සූර්ය කේන්ද්‍රීය ගණිත සිතීම් දැකීමට මයුරා වන්නම විනිවිදිමු. සූර්යා අධික උණුසුම් වුවත් මිනිස් හදවතට සිසිල් බව වඩන වග සූර්ය වංශිකයන්ට පමණක් නොව චංද්‍ර වංශිකයන්ටද දැනගන්නට ලැබෙන්නේ මයුරාගේ කාල සටහන සහ අභිනයනයන් වටහාගත් පසුව බව අප වටහාගත යුතුය. මිනිසා බුද්ධියෙන් දේවල් අත් පත් කරගන්නා විට සතා සීපාවාට තවමත් ඇති ස්වභාවයේ ක්‍රියාවන් දැනී යන ස්වභාවය  අහිමි කරගෙන තිබේ. එහෙත් ඒ තත්වයේ බරපතල කම දැන් දැන් මිනිසුන් අවබෝධ වන්නට පටන් ගෙන තිබේ.

ජගත් මාරසිංහ

2017 අප්‍රියල් 11

2017

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s